Ортиқхўжаев “Тошшаҳартрансхизмат” АЖ раисини ишдан олди

Local

−

17 December 2019 visibility27506 timer1 minute

Тошкент шаҳар ҳокими Жаҳонгир Ортиқхўжаевнинг қарори билан “Тошшаҳартрансхизмат” АЖ бошқаруви раиси вазифасида ишлаб келган Моҳир Валиев лавозимидан озод этилди. Бу ҳақда Тошкент шаҳар ҳокимлиги Матбуот хизмати хабар бермоқда.

Ортиқхўжаевнинг кеча, 16 декабрь куни имзолаган қарорига биноан “Тошшаҳартрансхизмат” АЖ бошқарув раиси вазифасини бажариш Тошкент шаҳар транспорт бошқармаси бошлиғи А.Жўраевга юклатилди.

Валиевнинг нега лавозимидан озод этилгани ва энди қайси ташкилотда фаолият юритиши билан боғлиқ саволлар очиқ қолмоқда. Шуниси маълумки, у 2018 йилнинг июль ойида лавозимга тайинланганди.

Author