Россияда ўзбекистонлик эркак юк машинасида бир гуруҳ велосипедчиларни босиб кетди (видео)
Crime
−
08 September 2023 16808 1 minute
Россиянинг Ленинград вилоятида ўзбекистонлик эркак КамАЗ юк машинасида бир гуруҳ велосипедчиларни босиб кетди. Бу ҳақда Санкт-Петербург полицияси матбуот хизмати хабар берди.
Маълум қилинишича, кеча, 7 сентябрь куни соат 10:40 ларда 31 ёшли КамАЗ ҳайдовчиси орасида 14-15 ёшли велосипедчилар бўлган гуруҳни кузатиб бораётган ўзидан олдинги Ford’нинг ортидан тўқнашиб, йўл-транспорт ҳодисасини содир этган. Оқибатда икки нафар спортчи қиз воқеа жойида ҳалок бўлган. 69 ёшли мураббий ва 7 нафар бола эса турли даражада тан жароҳати олган.
“Фонтанка”га кўра, ҳайдовчи Россияда қонуний ишлаётган Ўзбекистон фуқароси бўлган. Санкт-Петербург полицияси унинг ҳибсга олингани ва жиноят иши қўзғатилганини маълум қилган.
Мазкур ҳодисадан сўнг, Виборг шаҳри томон ҳаракатланиш бутунлай тўсиб қўйилган, ҳозирда ҳолат юзасидан тергов ҳаракатлари олиб борилмоқда.
Live
All
