Россияда мигрантларга қарши яна бир таклиф берилди

ЛДПР партияси раҳбари Леонид Слуцкий федерал бюджет юкини енгиллаштириш мақсадида Россиядаги мигрантлар учун ижтимоий пенсияларни бекор қилишни таклиф қилди. Бу ҳақда у “Газета.ru” нашрига маълум қилди.

“Россия айни дамда жуда муҳим вазиятни бошдан кечирмоқда. Ҳарбий, ижтимоий, демографик ва бошқа муаммолар – буларнинг барчаси катта ресурсларни талаб қилади. Ҳар бир тийин муҳим!” таъкидлади у.

Слуцкийнинг сўзларига кўра, бу фонда давлат ҳозирда “рус миллати қурилишига ҳеч қандай ҳисса қўшмаган” мигрантларнинг пенсиялари учун маблағ сарфламоқда. Партия раҳбари, шунингдек, россиялик нафақахўрлар эса ҳатто ерёнғоқ олишини ҳам таъкидлади.

Шу муносабат билан, ЛДПР янги келганлар учун “бепул ижтимоий имтиёзлар”ни бекор қилиш зарур деб ҳисоблайди.

Слуцкийнинг айтишича, 2024 йилда соф миграция тахминан 600 минг кишига етган. Унинг сўзларига кўра, бу сўнгги 30 йил ичидаги энг юқори кўрсаткич.

ЛДПРнинг таклифга тушунтириш хатида қайд этилишича, чора пенсия тизимини асоссиз ижтимоий мажбуриятлардан ҳимоя қилиш ва бюджет юкини камайтиришга қаратилган.

2024 йилда Россияда пенсиялар 7,5 фоизга, 2025 йилда эса 14,75 фоизга индексация қилинди, натижада ўртача пенсия 15 минг 456 рублни ташкил этди.

Қонунга кўра, пенсия олиш ҳуқуқи, бошқалар қатори, Россия ҳудудида камида 15 йил доимий яшаган ва 70 ва 65 ёшга тўлган (мос равишда эркаклар ва аёллар) хорижий фуқаролар ва фуқаролиги бўлмаган шахсларга берилади.

2024 йил 1 сентябрь ҳолатига кўра, Россияда 6 миллион 174 минг 777 нафар чет эл фуқароси истиқомат қилади, улар тўғрисидаги маълумотлар давлат миграция рўйхатидан ўтказиш тизимида мавжуд.

Эслатиб ўтамиз, аввалроқ Россия Президенти Владимир Путин меҳнат муҳожирлари учун амал қилаётган патент тизимини бекор қилиш масаласини кўриб чиқишни таклиф қилганди.