Россияда антирекорд

Россияда бир кечанинг ўзида Коронавирус билан боғлиқ 30,288 та касалланиш ҳолати қайд этилди. Бу мамлакатда пандеми бошлангандан буён янги антирекорддир. Бу ҳақда кеча, 11 декабрь куни коронавирусга қарши кураш маркази хабар берди. Марказга кўра, мамлакат бўйлаб вирусга чалинганлар сони 9,986,967 га етган. 

Маълум қилинишича, мамлакатда вирус билан касалланиш кўрсатгичи 0.3 фоизга ошган. 

Хусусан, ўтган 24 соат давомида Санкт-Петербургда 2045 та, Москвада 1833 та, Самара вилоятида 733 та, Краснодар ўлкасида 721 та ва Красноярск ўлкасида 719 та ҳолат қайд этилган.

Марказ маълумотларига кўра, ўтган сутка давомидан вурис билан боғлиқ 1,171 та ўлим ҳолати рўй берган. Умумий ўлимлар сони 288,351 тани ташкил қилмоқда. Бу мамлакат бўйлаб вирусга чалинганларнинг 2,89 фоизига тўғри келади. 

Қайд этилишича, сутка давомида вирусдан 36,446 киши тузалиб, соғайганлар сони 8,709,964 га етган. Бу вирус юқтириб олганларнинг 87.2 фоизини ташкил қилмоқда.

Беҳруз Саидов