Россияда ҳарбий хизматга чақирилганларнинг паспортларини олиб қўйиш тўғрисидаги қонун маъқулланди

Россия Федерацияси Кенгаши россияликларнинг паспортларини ҳақиқий эмас, деб топиш ва уларни ҳарбий ёки муқобил хизматга чақирилганда давлат ихтиёрига топшириш қоидаларига аниқлик киритувчи қонунни ёқлаб овоз берди. Бу ҳақда “Interfax” хабар берди.

Қонунга кўра, Россия Федерацияси фуқаросининг паспортини ҳарбий хизматга ёки муқобил фуқаролик хизматига чақирилиши муносабати билан ушбу ҳужжатни берган органга сақлаш учун топширилади. 

Белгиланишича, паспорт эгасига Россия Федерацияси фуқаросининг кетиш ҳуқуқини чеклаш тўғрисида қарор қабул қилинган кундан бошлаб беш иш куни ичида паспорт ўтказилиши мумкин.

Бундай паспорт ушбу вақтинчалик чеклов муддати тугагунча ёки унинг амал қилиш муддати якунланганига қадар сақланади.

Худди шу схема Федерал хавфсизлик хизматида ҳарбий хизматдан бўшатилганларнинг паспортларини ўша кундан бошлаб беш йилгача бўлган муддатга ўтказишни назарда тутади.

Бундай ҳолларда паспортни сақлаш, қабул қилиш, ҳисобга олиш, сақлаш ва эгасига қайтариш тартиби Россия Федерацияси ҳукумати томонидан белгиланади.

Келтирилишича, давлат сирларига эга бўлган фуқаронинг паспортини узрли сабабларсиз ваколатли органларга топширмаслик паспортнинг ҳақиқий эмас деб топилишига олиб келиши мумкин.