Россия ядровий урушга тайёргарлик кўряпти – ОАВ
Олам
−
11 Декабрь 2020 18770
Россиянинг ядровий кучлари машғулот ўташга киришди. Бу ҳақда Буюк Британиянинг “The Daily Mail” нашри ёзмоқда. Нашр, шунингдек, Москвани "ядровий урушга тайёргарлик кўришда" ва "Ғарб билан зиддиятни кучайтирганликда" айблади.
Британиялик сиёсий шарҳловчиларнинг айримлари бу фикрига қўшилмади. Уларнинг фикрича, дунёдаги барча мамлакатлар бу каби машғулотларни ўтказиб келмоқда.
“Бунда ажабланадиган нарса йўқ. Ҳар бир давлат ҳарбий синовларни ўтказади”, дея фикр билдирган улардан бири.
Яна бир шарҳловчининг сўзларига кўра, “Қўшма Штатлар ҳар йили бир нечта қитъалараро баллистик ракеталарни (ҚБТ) ва сувости баллистик ракеталарни (СБР) синовдан ўтказади. Шунингдек, ўқув бомбаларини ҳам синаб туради”.
Бирлашган Қироллик Мудофаа вазирлиги нашрда эълон қилинган ушбу маълумотга расмий муносабат билдирмаган.
Live
Барчаси
