Роналду “MrBeast” билан подкаст қилди (видео)

Бир неча ой олдин ўз YouTube саҳифасини ишга туширган португалиялик Криштиану Роналдунинг навбатдаги подкасти меҳмони YouTube'да энг кўп обуначига эга блогер “MrBeast”  бўлди. 

Америкалик ютубернинг канали 331 миллион обуначига эга. Роналду ўз каналидаги янги эпизодда блогерга YouTube'даги энг кўп обуначилар бўйича ўз рекордини янгиламоқчи эмаслигини айтди.

14 дақиқалик суҳбат давомида Роналду блогер билан муваффақият сирлари ҳақида гаплашган. Подкаст давомида асл исми Жимми Дональдсон бўлган “MrBeast” ўзининг энг жўшқин, қиммат ва севимли видеолари ҳақида гапириб берди ва Криштианудан YouTube бўйича қимматли маслаҳатларини аямади.

2024 йил ноябрь ойи охирига келиб, Криштианунинг деярли 68 миллион, “MrBeast” каналида 331 миллион обуначи бор.

Маълумот учун, Роналду ўз YouTube саҳифасини август ойида ишга тушириб, қисқа вақт ичида энг кўп обуначи йиғиш бўйича рекорд ўрнатганди. 26 ёшли Жимми Дональдсон эса 2012 йилда ўз YouTube саҳифасини очган. Ҳозирга қадар блогер YouTube компаниясининг барча турдаги тугмаларини қўлга киритган.