Роналду “Манчестер Юнайтед”ни тарк этмоқчи
Спорт
−
09 Ноябрь 2021 28643 1 дақиқа
“Манчестер Юнайтед”нинг португалиялик ҳужумчиси Криштиану Роналду жорий мавсумда Чемпионлар лигасида иштирок эта олмаса, жамоани тарк этиши мумкин. Бу ҳақда “Sport Express” нашри хабар бермоқда.
Хабарга кўра, 36 ёшли португалиялик жамоанинг Премьер лигадаги сўнгги натижаларидан қониқмаяпти. Агар, “қизил иблислар” Европа чемпионлар лигаси йўлланмасига эга чиқмаса, катта эҳтимол билан у Манчестердан кетади. Чунки португалиялик Европа лигасида ўйнашни истамаяпти.
АПЛнинг 11-туридан кейин “Манчестер Юнайтед” Чемпионлар лигаси йўлланмасини берувчи ўринда жойлашган жамоадан 5 очко ортда қолмоқда. Сульшер шогирдлари ҳисобида 17 очко мавжуд ва улар турнир жадвалида 6-поғонани эгаллаган.
Жорий мавсумда Роналду 12 ўйинда майдонга тушиб, ўз ҳисобига 9 та гол ва битта голли узатмани ёздириб қўйган.
Жамшидбек Маҳмудов
Live
БарчасиЖиззахда 10 ёшли қиз зўрланди
06 Октябрь
Сергелидаги масжидга ўт кетди
03 Октябрь