Роналду футбол тарихидаги энг яхшилардан эмас – Антонио Кассано

Криштиану Роналдуни футбол тарихидаги энг яхши футболчилардан бири эмас. Роналдуни Индзаги ёки Давид Трезегега қиёслаш мумкин. Бу ҳақда Италия терма жамоаси ва “Реал Мадрид”нинг собиқ ҳужумчиси Антонио Кассано “А Bola” нашрига берган интервьюсида гапирган.

“Мен Роналдунинг 807 та гол ургани учун шляпамни ечаман. Аммо Криштиану дунёнинг энг яхши футболчиларидан бири эмас. Роналду энг яхши тўпурарлар қаторидами? Ҳа,у кучли ҳужумчими бунга шубҳа бўлиши мумкин эмас. Шунингдек, унинг жуда кўп совринлари бор. Криштиануни Индзаги ёки Трезегега қиёслаш мумкин. Улар ажойиб ўйинчилар эди. Лекин тўғрисини айтайлик, чиройли футбол ўйнаш бошқа нарса. Голлар футболчининг қандай даражада эканлигини белгиламайди. Андрес Иньеста 60 та гол ҳам ура олмади, Зидан эса юзтагина гол уришнинг уддасидан чиқмаган. Лекин бу даҳолар футбол тарихини яратдилар”, деган Кассано.

Маълумот ўрнида, Антони Кассано 2006-2007 йилларда “Реал Мадрид” сафида  19 та учрашувда 2 та гол урган. Криштиану Роналду эса “Қироллик” клуби таркибида 2009-2018 йилларда 438 та учрашувда майдонга тушиб, 450 та гол урган.

Маъруф Абдумаликов