Роналду 2007 йилдан бери илк бор FIFA рамзий терма жамоасига киритилмади

“Ал-Наср” ва Португалия терма жамоаси ҳужумчиси Криштиану Роналду 2007 йилдан бери биринчи марта FIFA талқини бўйича тузилган йилнинг рамзий терма жамоаси таркибига киритилмади. Бу ҳақда “Chempionat” нашри хабар берди.

Кеча, 27 февраль куни FIFA томонидан ўтказилган Халқаро “The Best” маросимида йилнинг энг яхши футболчиларидан тузилган рамзий жамоа тақдим этилган. 38 ёшли ҳужумчи Роналду ҳам 16 йилдан бери рўйхатдан жой олган. Аммо бу сафар 2022 йил сарҳисобига кўра тузилган ушбу таркибга киритилмаган.

Таркиб қуйидагича:

Дарвозабон: Тибо Куртуа (“Реал Мадрид”, Бельгия).

Ҳимоячилар: Ашраф Ҳакими (ПСЖ, Марокаш), Жоау Канселу (“Бавария”/“Манчестер Сити”, Португалия), Виржил ван Дейк (“Ливерпул”, Нидерландия).

Ярим ҳимоячилар: Кевин Де Брюйне (“Манчестер Сити”, Бельгия), Лука Модрич (“Реал Мадрид”, Хорватия), Каземиро (“Манчестер Юнайтед”, Бразилия).

Ҳужумчилар: Лионел Месси (ПСЖ, Аргентина), Карим Бензема (“Реал Мадрид”, Франция), Килиан Мбаппе (ПСЖ, Франция), Эрлинг Холанд (“Манчестер Сити”, Норвегия).

Муштарий Ғаниева