Ronaldinoning Qirg‘izistondagi o‘yinda qatnashishi so‘roq ostida qoldi
Sport
−
29 avgust 2023 5185 1 daqiqa
Braziliyalik futbolchi Ronaldino firibgarlik ishi bo‘yicha sud majlisiga kelmagani uchun Braziliyani tark etishi taqiqlandi. Bu haqda “G1 Globo” xabar berdi.
Manbaga ko‘ra, Ronaldino kriptovalyutalar bilan firibgarlik va moliyaviy piramida tashkil etishda ayblanmoqda. Futbolchi parlament komissiyasi oldida guvohlik berishi kerak edi, biroq Ronaldino bu bo‘yicha ikki marta uchrashuvni o‘tkazib yubordi.
Sobiq futbolchining aytishicha, u Braziliyaga parvozi yomon ob-havo tufayli bekor qilingani uchun guvohlik berish uchun bora olmagan.
Eslatib o‘tamiz, avvalroq futbolchi Qirg‘izistonda o‘tkaziladigan “Barselona” va Markaziy Osiyo afsonalari o‘rtasidagi o‘yinda qatnashishi xabar qilingandi. Holatdan kelib chiqib aytish mumkinki, futbolchining Qirg‘izistondagi o‘yinda ishtirok etishi so‘roq ostida qolmoqda.
