Референдум тугади. Донецк, Луганск, Херсон ва Запорожьеда Россия конституцияси амал қилишни бошлади

Олам 16326
image

Ўзини Донецк халқ республикаси ва Луганск халқ республикаси деб танитаётган бўлгинчилар, Херсон вилояти ва Запорожьенинг Россияга кириши бўйича 23 – 27 сентябрь кунлари ўтказилган референдум натижалари эълон қилинди. Унга кўра, тўртта ҳудудда ҳам фуқаролар ҳайрихоҳлик билан Россияга қўшилишни ёқлаган. 

Сайловчиларнинг 98,42 фоизи референдумда 100% протоколларни қайта ишлагандан сўнг ЛХРнинг Россия Федерациясига кириши учун овоз берган. 

100% протоколларни қайта ишлаш натижалари бўйича ДХРнинг Россияга қўшилиши 98,69% овоз билан қўллаб-қувватланган. 

Запорожье вилоятининг Россия таркибига киришини дастлабки ҳисоб-китобларга кўра, протоколларнинг 100 фоизида сайловчиларнинг 93,11 фоизи қўллаб-қувватлади. 

Мелитополда 96,78% минтақанинг Россия Федерациясига киришини қўллаб-қувватлаган, Мелитопол вилоятида – 90, 01%. Қайд этилишича, Бердянскда 94,10 фоиз, Бердянск вилоятида 89,60 фоиз, Василевск вилоятида 90,47 фоиз овоз берган. Поховский туманида "ёқлаб" овоз берганлар улуши 88,79%, Черниговда – 89,39%, Энергодар шаҳрида – 95,25%. 

Референдумда 541 093 киши иштирок этган. 

“Херсон вилояти сайлов комиссияси референдум натижаларига кўра овоз бериш протоколларининг 100 фоизини қайта ишлади, вилоят аҳолисининг 87,05 фоизи Россияга қўшилиш учун овоз берди”, дейди вилоят сайлов комиссияси раиси Марина Захарова. 

Сайлов комиссиясидаги кўрсаткичларга кўра,  вилоят аҳолисининг 87,05 фоизи “маъқул”, 68 минг 832 нафари ёки 12,05 фоизи “йўқ” деб овоз берган. 

“497 051 нафар референдум иштирокчиси берилган саволга “ҳа” деб жавоб берди, бу референдум иштирокчилари рўйхатига киритилган иштирокчилар сонининг 50 фоиздан ортиғини ташкил этади”, дейди Захарова.  

Херсон вилояти сайлов комиссияси референдумни ҳақиқий деб тан олди.  

“Ҳурматли ҳамкасблар, овоз бериш якунлари бўйича баённома имзоланди, референдум натижалари бўйича қарор бир овоздан қабул қилинди”, дейди Захарова. 

Херсон вилоятида референдумда жами 571 мингдан ортиқ киши овоз берди, бу 76,86 фоизни ташкил этади. Бундай маълумотлар вилоят сайлов комиссиясида жойлашган кўрсаткичлар жадвалида келтирилган.

Эслатиб ўтамиз, аввалроқ Россия Федерацияси Президенти Матбуот котиби Дмитри Песков Москва референдумлардан сўнг Украинанинг Донецк, Луганск, Запорожье ва Херсон вилоятларининг бир қисми устидан назоратни тиклашга уринишларини Россия ҳудудларига қилинган ҳужум деб баҳолашини айтган эди. Унинг сўзларига кўра, Донецк, Луганск, шунингдек, Россия томонидан назорат қилинадиган Запорожье ва Херсон вилоятларининг бир қисми Россия таркибига кирганидан кейин у ерда Россия Конституцияси ишлай бошлайди. 

Qalampir.uz Tahririyati
Мақолага баҳо беринг
Баҳолаганлар: 461
Рейтинг: 3
Теглар
t
×