Расман: 33 ёшли Нагельсманн “Бавария”га бош мураббий бўлади

Жамият 1763
image
-

“Лейпциг” жамоаси бош мураббийи Юлиан Нагельсманн фаолиятини Германия гигантларидан бири бўлган “Бавария” клубида давом эттиради. Бу ҳақда клуб Матбуот хизмати хабар берди.

Маълум қилинишича, 33 ёшли мутахассис Мюньхен клубини 2021 йилнинг 1 июлидан бошлаб бошқаради. Иккала клуб ҳам келишувни тасдиқлади. Қайд этилишича, Нагельсманн “Бавария” билан 5 йиллик шартнома имзолаган.

Шунингдек, “Бавария” амалдаги мураббий Ханс-Дитер Фликнинг шартномани бекор қилиш ҳақидаги илтимосини бажарганини эълон қилди. Флик билан 2023 йил 30 июнгача имзоланган шартнома энди 2021 йил 30 июнгача амал қилади.

Аввалроқ Нагельсманн янги клубида йилига 8 миллион евро ишлаб олиши маълум бўлган эди. “Бавария” мураббийнинг кетиши учун “Лейпциг”га турли бонусларни ҳисобга олган ҳолда 25 миллион еврони товон пули тўлайди.

Qalampir.uz Tahririyati
Мақолага баҳо беринг
Баҳолаганлар: 78
Рейтинг: 3
t
×