Путин санкцияларнинг Россия иқтисодиётига таъсири ҳақида гапирди

Кўплаб санкциялар таъсирига қарамай, Россия иқтисодиёти зарбага ишончлик қаршилик кўрсатмоқда. Бу ҳақда Россия Президенти Владимир Путин Беларусь фуқароси Александр Лукашенко билан учрашувда айтиб ўтди, деб хабар берди ТАСС.

“Барча қийинчиликларга қарамай, Россия иқтисодиёти санкциялар таъсирига дош бермоқда, у жуда яхши бардош бермоқда”, деб ишонтирган Россия раҳбари асосий макроиқтисодий кўрсаткичларга тўхталиб.

Путин, шунингдек, ҳукуматнинг иқтисодий блоки мавжуд вазиятга жавоб бериши муҳимлигини таъкидлади. Умуман олганда, бундай саъй-ҳаракатлар “ижобий самара беради”, дейди у. 

Эслатиб ўтамиз, 24 февралда Украинага ҳужум бошланиши Россия иқтисодини оғир оқибатларга олиб келди. Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари  Россияга қарши санкциялар киритди. 

Рус компаниялари акциялари кескин арзонлашди, Москва биржасида савдолар мислсиз даражада пасайиш билан ўтди. Газпром, ЛУКОЙЛ ва бошқа йирик компаниялар йўқотишларга учради.

Ҳужум бошлангач, Европа давлатлари ва АҚШ Россияга қарши бир неча босқичли санкциялар жорий қилди. Россиянинг ВТБ, “Россия” банки, “Открытия”, “Новикомбанк”, “Промсвязьбанк”, “Совкомбанк” ва ВЭБ.РФ банклари SWIFT халқаро банклараро тизимидан узилди. АҚШ ва Европа Иттифоқи Россиянинг олтин-валюта захирасини блоклади.

Европа давлатлари, АҚШ, Канада Россия учун ўз ҳаво ҳудудини ёпди. Бу санкцияларга нейтрал давлат ҳисобланган Швейцария ҳам қўшилди. Уруш фонида Украинани Европа Иттифоқи аъзолигига қабул қилиш жараёни тезлашди.

Камронбей Кенжаев