Путин Ким Чен Иннинг космик технологияларга қизиқаётганини айтди (видео)
Олам
−
13 Сентябрь 2023 6182
Шимолий Корея етакчиси Ким Чен Ин космик технологияларга катта қизиқиш билдирмоқда. Бу ҳақда Россия Президенти Владимир Путин бугун, 13 сентябрь куни айтиб ўтди.
Журналистларнинг Москва Пхеньянга космик сунъий йўлдошлар қуришга ёрдам берадими, деган саволига жавоб берар экан, Путин айнан шу сабаб Ким Чен Ин билан “Восточний” космодромига келганини айтган.
“Шунинг учун биз бу ерга келдик. КХДР етакчиси ракета технологиясига катта қизиқиш билдирмоқда, улар ҳам коинотни ривожлантирмоқчи ”, деган Россия Президенти.
“Восточний”га ташрифи чоғида Путин ва Ким Чен Ин “Союз-2” ташувчи ракетасининг характеристикалари билан танишган ҳамда уни учириш мажмуасини кўздан кечирган. Давлат раҳбарлари “Ангара” ракетасини йиғиш учун модернизация қилинган монтаж ва синов биносига ташриф буюрган. Уларга Бош вазир ўринбосари ва Узоқ Шарқ федерал округидаги ваколатли вакили Юрий Трутнев, “Роскосмос” раҳбари Юрий Борисов ва Ер усти космик инфратузилмасидан фойдаланиш маркази бош директори Николай Нестечук, КХДР етакчисининг синглиси, Корея Меҳнат партияси марказий қўмитасининг бўлим мудири Ким Ё Чжон ҳамроҳлик қилган.
Live
Барчаси
