Путин ҳозирги вазиятни ниҳоятда кескин деб атади

Ҳозир дунёда вазият ниҳоятда кескинлигича қолмоқда – турли минтақаларда эски можаролар авж олмоқда, янги можаро ўчоқлари пайдо бўлмоқда. Бу ҳақда Россия Президенти Владимир Путин МДҲ Хавфсизлик кенгаши котиблари йиғилиши иштирокчиларига йўллаган видеомурожаатида маълум қилди. 

“Биз халқаро вазият ўта оғир ва таранглигича қолаётганини кўриб турибмиз. Бир қатор минтақаларда эски можаролар кучайиб, янги можаро ўчоқлари пайдо бўлди”, дейди у. 

Шу нуқтайи назардан, Путин Мустақил Давлатлар Ҳамдўстлиги (МДҲ) давлатлари хавфсизлик кенгашлари котибларининг мунтазам йиғилишлари ташкилотнинг коллектив хавфсизлик тизимини мустаҳкамлаш ва ривожлантириш, унинг барча иштирокчилари суверенитети ва миллий манфаатларини таъминлаш, уларнинг ишончли илғор ижтимоий-иқтисодий ривожланиши учун катта аҳамиятга эга.

Маълумот учун, бугун, 8 ноябрь куни МДҲга аъзо давлатлар хавфсизлик кенгашлари котиблари ўзининг йиллик йиғилиши учун Москвага тўпланди. Тадбирда Россия томонидан Россия Федерацияси Хавфсизлик кенгаши котиби Николай Патрушев иштирок этмоқда. 

Учрашувда МДҲ маконида минтақавий хавфсизликни таъминлашнинг долзарб муаммолари, шунингдек, хавфсизлик соҳасида мамлакатларнинг икки ва кўп томонлама форматдаги амалий ҳамкорлиги масалалари муҳокама қилинади. 

Ҳамдўстликка аъзо давлатлар Хавфсизлик кенгаши котибларининг йиллик йиғилиши 11-маротаба ўтказилмоқда. Аввалгиси 2022 йилнинг ноябрида Москвада бўлиб ўтган.