Президент иссиқхоналарнинг газдан узилиши муаммосини ҳал қилишни Умурзоқовга топширди

Жамият

−

28 Октябрь 2022 visibility5923

0:00

download

Ўзбекистон Президенти Шавкат Мирзиёев иссиқхоналарни газ таъминотидан узиш ҳолати бўйича тадбиркорларнинг норозилигидан хабар топиб, Администрация раҳбари Сардор Умурзоқовга бу масала билан шуғулланишни топширди.

Администрация раҳбари бошчилигида ўтган мажлисда иссиқхоналарни табиий газ таъминотидан огоҳлантиришсиз узиш ҳолатлари бўйича жуда кўп эътирозлар билдирилаётгани, хусусан 25 октябрь куни республиканинг турли ҳудудларидан иссиқхоналари газдан узилган тадбиркорлар норозилик билдириб, Тошкентда тўплангани бўйича тегишли масъуллар қаттиқ танқид остига олинган.

Умурзоқовга кўра, Вазирлар Маҳкамаси ва Қишлоқ хўжалиги вазирлиги мутасадди раҳбарлари ушбу масала билан умуман шуғулланмагани учун, тадбиркорларнинг муаммоларига ечим топмагани учун улар Президент Администрациясига келишмоқда.

Мақола муаллифи