Президент экспортёр тадбиркорларга имтиёзлар берувчи фармонни имзолади
Жамият
−
22 Декабрь 2022 5894
Ўзбекистон Республикаси Президенти Шавкат Мирзиёев бугун, 22 декабрь куни "Тадбиркорлик субъектларининг экспорт фаолиятини қўллаб-қувватлашнинг қўшимча чора-тадбирлари тўғрисида”ги фармонни имзолади.
Мазкур Фармон билан Экспортни рағбатлантириш агентлиги томонидан экспортолди молиялаштириш учун ажратиладиган ресурслардан берилган кредитларни ўз вақтида сўндириб келаётган тадбиркорлик субъектларига амалдаги кредитнинг сўндирилган қисмига мутаносиб равишда қўшимча кредитлар ажратиш имконияти яратилмоқда.
Шунингдек, 2024 йил 1 январга қадар Европа, Туркия, Миср ва Марокаш давлатларига газлама ва трикотаж мато маҳсулотларини экспорт қилишда транспорт харажатларининг 70 фоизгача миқдорида компенсация қилишга субсидиялар тақдим этилади.
Пахта, кунгабоқар, маккажўхори ва соя ёғидан ташқари барча ўсимлик ёғларини экспорт қилишга рухсат берилмоқда.
Live
БарчасиБухорода Ғиждувон деҳқон бозори ёнмоқда.
14 Декабрь