Президент бир пайтлар Карим Камоловга нисбатан адолатсизлик бўлганини айтди

Жамият 34981
image

Ўзбекистон Республикаси Президенти Шавкат Мирзиёев Бухорода бўлиб турибди. 

Президент Бухоро шаҳрида Карим Камолов хонадонига келиб, унинг рафиқаси ва фарзандларига ҳамдардлик билдирди, жудоликни енгишда сабр-тоқат тилади.

Давлат раҳбари марҳумнинг эл-юрт фаровонлиги йўлидаги хизматларини эътироф этди.

“Раҳматли Карим ака жуда яхши инсон эди, беғубор қалб эгаси, ноёб меҳнатсевар киши эди. Бухородаги ўзгаришларга кўп меҳнатлари сингганди. Режалари ҳам улкан эди. Беқиёс ҳалоллик ва садоқат билан, ўзини ўйламай, одамларнинг манфаати учун ишлади. Бир пайтлар адолатсизлик туфайли бошидан кечирган кунлари ҳам унинг соғлиғига ўз таъсирини ўтказмай қолмади. У кишининг фидокорона хизматларини давлатимиз, халқимиз асло унутмайди”, деди Шавкат Мирзиёев.

Шундан сўнг Баҳоуддин Нақшбанд мақбараси зиёрат этилиб, Қуръон тиловат қилинди.

Qalampir.uz Tahririyati
Мақолага баҳо беринг
Баҳолаганлар: 1086
Рейтинг: 3.1
t
×