Португалия билан Жаҳон чемпионатида ғалаба қозониш энг катта орзум эди — Роналду

Португалия терма жамоаси ҳужумчиси Криштиану Роналду жамоасининг Қатарда давом этаётган Жаҳон чемпионатининг 1/4 финалида Марокашга мағлуб бўлгани ҳақида фикр билдирди.

“Португалия билан Жаҳон чемпионатида ғалаба қозониш энг катта орзум эди. Мен кўплаб халқаро унвонларни қўлга киритдим, лекин мамлакатимизни дунёдаги энг юқори даражага кўтариш асосий мақсадим эди. Бунинг учун курашдим. Ўтган 16 йил давомида мен иштирок этган бешта Жаҳон чемпионатида миллионлаб португалияликларнинг қўллаб-қувватлаши натижасида буюк футболчиларга яқин бўлганман ва бор кучимни берганман.  Афсуски, кеча орзулар амали тугади. Португалияга бўлган садоқатим бир лаҳзага ҳам ўзгармади.  Айни дамда бошқа айтадиган гапим йўқ. Португалияга раҳмат. Раҳмат Қатар. Орзу сари йўл давом этганда яхши бўлар эди",  деб ёзди Роналду ижтимоий тармоқдаги саҳифасида.

Эслатиб ўтамиз, Португалия ЖЧ-2022нинг 1/4 финалида Марокашга кичик ҳисобда имкониятни бой бериб, мусобақа билан хайрлашди. Роналду африкаларикларга қарши баҳснинг 2-таймида майдонга туширилди.