Порье ва Конор ўртасида 4-жанг бўладими? Дастин жавоб берди
Спорт
−
15 Февраль 2022 4036
Енгил вазн тоифасида собиқ UFC чемпиони Дастин Порье икки дивизионнинг собиқ чемпиони Конор Макгрегор билан тўртинчи жангни ўтказмайди. Бу ҳақда Дастиннинг ўзи маълум қилди.
“Конор ва менда катта бир тарих бор. Мен унга енгил вазнда мағлуб бўлдим ва етти йилдан кейин уни икки марта енга олдим. Конор билан бошқа жанг қилмайман. У билан бошқа рўбарў келишни хоҳламайман. Энди Конор билан жанг эшиклари мен учун ёпиқ. Агар тўртинчи жанг ўтказиладиган бўлса ҳам, бунинг ягона сабаби пул бўлиши мумкин. Мен уни кетма-кет икки марта енгдим. Исботлайдиган бошқа нарса йўқ”, дейди Порье.
Эслатиб ўтамиз, шу кунга қадар Порье ва Конор ўртасида 3 марта жанг ўтказилган бўлиб, биринчиси 2014 йилда Конор Макгрегорнинг ғалабаси билан якунланган эди. Ўтган йилниг январь ойида ўтказилган иккинчи жангда Порье нокаут билан реванш олди. Учинчи жанг ҳам ўтган йили ўтказилди ва бунда ҳам америкалик жангчи техник ғалаба билан устун келди.
Шахбоз Қаҳҳоров
Live
Барчаси