Покистонда “Википедия” блокланди
Олам
−
06 Февраль 2023 2168
Покистон “Википедия” интернет энциклопедиясини давлат томонидан қўйилган талабларни бажармагани учун блоклади. Бу ҳақда “Bloomberg” нашри хабар берди.
Покистон телекоммуникация бошқармаси матбуот котиби Малаҳат Обаидга кўра, платформага ушбу контентни олиб ташлаш учун расмийлар томонидан 48 соат вақт берилган. Аммо берилган муддат тугаганидан кейин ҳам контентнинг бир қисми “Википедия”да мавжуд бўлган. Оқибатда мамлакатда интернет энциклопедияси блокланган.
Бироқ Покистон расмийлари айнан қайси контентни назарда тутиб, платформага нисбатан бундай чора кўргани ҳақида маълумот берилмаган.
“Бу бўйича “Википедия” расмийлари билан музокаралар олиб борилмоқда. Агар контент бутунлай олиб ташланса, платформани блокдан чиқариш масаласи кўриб чиқилади”, дея таъкидлаган телекоммуникация бошқармаси матбуот котиби.
Live
Барчаси