Погба ёзда собиқ жамоасига қайтиши мумкин

"Ювентус"нинг ёзги трансферлар ойнасидаги асосий режалари маълум бўлди. Гап "Манчестер Юнайтед" ярим ҳимоячиси Поль Погба ва "Рома" вингери Николо Заньоло ҳақида кетмоқда. Бу ҳақда Италия матбуоти хабар тарқатмоқда.

Погба учун Турин клуби бир қанча топ-клублар билан рақобатлашишига тўғри келади. Хусусан,  мавсум охирида эркин агентга айланадиган франциялик футболчининг хизматларига “Реал” ва “ПСЖ” клублари ҳам қизиқиш билдирмоқда. 

Жорий мавсумда 28 ёшли ярим ҳимоячиси "Манчестер Юнайтед" билан АПЛнинг 13 та ўйинида майдонга тушиб, 8 та гол ва битта голли узатмани амалга оширди. "Transfermarkt" портали Полни 55 миллион еврога баҳоламоқда.

Заньолога келадиган бўлсак, унга "Ювентус"дан ташқари "Манчестер Юнайтед" ҳам қизиқиш билдирган. "Transfermarkt" томонидан 33 миллион еврога баҳоланган Заньоло бу мавсум А Серианинг 20 та ўйинидан майдонга тушиб, 2 та гол ва 2 та голли узатмага муаллифлик қилди.

Шахбоз Қаҳҳоров