Озарбайжон ва Арманистон вазирлари Блинкен гувоҳлигида учрашди

Олам 2114
image

Вашингтонда Озарбайжон Ташқи ишлар вазири Жайҳун Байрамов ва Арманистон Ташқи ишлар вазири Арарат Мирзоян музокара ўткаган. Бундан ташқари, Транскавказ дипломатик департаментларининг биринчи вакиллари АҚШ Давлат котиби Энтони Блинкен билан учрашган.  

Кутилганидек, учрашувда муҳокама қилинган асосий масала Кавказ ортидаги вазиятни тартибга солиш бўлган. Томонлар Ереван ва Баку ўртасида тинчлик битимини тузиш имкониятлари ҳақида фикр алмашган. Байрамов ва Мирзоян Прага ва Сочидаги учрашувларда ҳам давлатлар қабул қилган мажбуриятларни тасдиқлаган. 

Арманистон ва Озарбайжон Ташқи ишлар вазирлари мамлакатлар ўртасидаги музокаралар суръатини тезлаштиришга ва яқин орада яна бир учрашув ўтказишга келишиб олган. Вазирлар Арманистон ва Озарбайжон вакиллари ўртасида музокаралар ташкил этгани учун Америка томонига миннатдорлик билдирган. 

АҚШ Давлат департаменти раҳбари Энтони Блинкен Вашингтон Арманистон ва Озарбайжон учун дўст эканини ва шунинг учун Кавказ ортидаги вазиятни тартибга солиш учун барча имкониятларни ишга солишини эслатган. 

Давлат департаментига кўра, ушбу учрашув Ереван ва Бакунинг мулоқотни фаоллаштириш орқали тинчликка интилишидан далолат беради.

“Учрашув Арманистон ва Озарбайжоннинг мулоқотни фаоллаштириш орқали тинчликка эришишга жиддий интилишини таъкидлайди. Қўшма Штатлар Жанубий Кавказнинг тинч минтақасини қўллаб-қувватлашга содиқ қолади”, дейилади Давлат департаменти хабарида

Qalampir.uz Tahririyati
Мақолага баҳо беринг
Баҳолаганлар: 8
Рейтинг: 3.1
t
×