Ота поезд тагига тушиб кетган фарзандини қутқариб қолди (видео)

Жорий йилнинг 28 апрель куни Бангладешдаги “Bhairab” темир йўл станциясида бир ёшли бола оломоннинг тартибсизлиги туфайли отасининг қўлидан сирғалиб, поезд рельсига тушиб кетди. Ота рельсга тушиб, фарзандини ўзини танаси билан тўсган ҳолда унинг ҳаётини сақлаб қолди. Бу ҳақда “The Indian Express” хабар берди.

Маълум қилинишича, ота поездга чиқмоқчи бўлган вақтда унинг бир ёшли ўғли бекатдаги оломоннинг тартибсизлиги туфайли, унинг қўлидан сирғалиб тушган ва платформа ёнидаги тор тирқишга йиқилган. 

Ўша вақтда поезд узоқдан келаётган бўлган. Ота бир неча сония ичида ҳаёт-мамот масаласида қарор қабул қилиб, иккиланмай пастга сакраб тушган. Шундан сўнг, боласини ўзига тортган ва яқинлашиб келаётган поезддан ҳимоя қилиш учун унинг устига ётиб олган. Ижтимоий тармоқларда тарқалган видеода бир нечта вагонлар уларнинг тепасидан ўтиб кетаётгани, ҳайратда қолган кузатувчилар эса ҳеч қандай муносабат билдира олмай, қараб тургани акс этган. 

Хабарга кўра, ота ҳам, унинг бир ёшли ўғли ҳам жиддий жароҳатларсиз тирик қолган. Поезд ўтиб кетиши билан эса яқин атрофдаги одамлар ёрдам бериш учун эркакнинг олдига югуриб борган ва уларни платформага қайтиб олиб чиққан.

Шаҳзода Шукуруллаева