Осиё кубогининг энг қиммат футболчилари рейтинги эълон қилинди

Жанубий Корея терма жамоаси аъзоси Ким-Мин-Чже ва Япония термаси аъзоси Такэфуса Кубо Қатар мезбонлик қилаётган Осиё кубогида иштирок этаётган энг қиммат футболчилар эканлиги маълум бўлди. Бу ҳақда “Transfermarkt” хабар берди.

Эътиборлиси, мусобақада қатнашаётган энг қиммат 10 футболчининг барчаси Япония ва Жанубий Корея терма жамоалари ҳиссасига тўғри келди. Кучли ўнталикдан Япония терма жамоасининг 6 нафар ва Жанубий Корея терма жамоасининг тўрт нафар футболчиси ўрин олди.

Осиё кубогининг энг қиммат футболчилари:

1-2. Ким Мин-Чже (Жанубий Корея) – 60 миллион евро;
1-2. Такэфуса Кубо (Япония) – 60 миллион евро;
3-4. Каору Митома (Япония) – 50 миллион евро;
3-4. Хён Мин Сон (Жанубий Корея) – 50 миллион евро;
5. Такехиро Томиясу (Япония) – 30 миллион евро;
6-8. Ли Канг Ин (Жанубий Корея) – 22 миллион евро;
6-8. Хироки Ито (Япония) – 22 миллион евро;
6-8. Хи-Чан Хванг (Жанубий Корея) – 22 миллион евро;
9. Рицу Доан (Япония) – 18 миллион евро;
10. Ко Итакура (Япония) – 15 миллион евро.

Эслатиб ўтамиз, аввалроқ “Opta” аналитик маркази томонидан Осиё кубогида иштирок этувчи терма жамоаларнинг ғолиблик имкониятлари баҳоланганди. Бу борада Ўзбекистон миллий терма жамоаси 8-поғонани банд этди.