ОИВ энг кўп тарқалаётган мамлакатлар очиқланди

Одам имминитет танқислиги вируси (ОИВ) эпидемиясининг дунёда энг тез тарқалиши Жаҳон соғлиқни сақлаш ташкилотининг (ЖССТ) Европа минтақаси ҳудидига тўғри келмоқда. Бу ҳақда ташкилотнинг Европа минтақавий директори Ханс Клюгенинг Бутунжаҳон ОИТСга қарши кураш кунида эълон қилинган баёнотида айтилади. 

"Дунё бўйлаб ОИВ эпидемияси энг тез ўсиб бориши ЖССТ Европа минтақасида қайд этилган. Европа минтақасидаги одамларнинг 50 фоизи кеч ташхис қўйилган – беморлар биз уларга эрта етиб боришимиз учун жуда кеч ёрдам сўрашади. Бу тенденция 10 йил давомида ўзгармади. Минтақамиздаги баъзи мамлакатларда ўлим даражаси қабул қилиб бўлмас даражада юқори, бошқаларида эса ОИВ юқиши деярли тўхтаган”, дейди Клюге. 

Унинг эслашича, 1988 йилда биринчи марта ОИТСга қарши кураш куни ўтказилганда, ОИВ ташхиси ўлим жазосига тенг эди. Аммо ҳозир дунё яхши томонга ўзгарди, чунки диагностика, даволаш ва юқишнинг олдини олиш учун ресурслар ва технологиялар мавжуд. Тиббиёт ютуқлари ОИВни бошқа ҳар қандай касаллик каби сурункали касалликка айлантирди ва унга ташхис қўйилган ва даволанган одамлар вирусни бошқаларга юқтирмасдан соғлом, узоқ умр кўришлари мумкин. Жиддий ножўя таъсирларсиз юқори самарали антиретровирус даволаш мавжуд, янги диагностика алгоритмлари ўша куни ташхис қўйиш имконини беради ва самарали профилактика воситалари мавжуд. 

“Келгуси йилда барчадан – сиёсатчилардан тортиб соғлиқни сақлаш ва қамоқхона секторларигача – ҳаракатни ҳимоя қилишни ва ОИВ бўйича барча режалар ва дастурларга жамоа етакчиларини жалб қилишни, барқарор жамият етакчилигини тўлиқ молиялаштиришни ва фуқаролик жамиятини самарали сиёсат билан қўллаб-қувватлашни сўрайман. ОИВ билан яшашнинг оғирлиги ва стигмасини ортда қолдириш керак", дейди Клюге.