Нидерландия Бош вазири истеъфога чиқди

Ксандер ван дер Вулп Нидерландия Бош вазири Марк Рютте бошчилигидаги ҳукумат истеъфога чиқди. Бу ҳақда кеча, 7 июль куни мамлакат Вазирлар Маҳкамаси раҳбари матбуот анжуманида маълум қилди. 

Унинг сўзларига кўра, яқин орада “ҳукумат истеъфоси қиролга тақдим этилади”. Ҳукмрон коалициянинг қулаши миграция сиёсатидаги келишмовчиликлар билан боғлиқ

“Бу жуда хафа қиладиган сиёсий воқелик”, дейди Бош вазир. 

Кейинги қадам янги парламент сайловларини ўтказиш бўлади. Уларнинг натижалари асосида янги ҳукмрон коалиция тузилиши керак. Бу содир бўлмагунча, амалдаги ҳукумат ўз вазифаларини вақтинча бажаришда давом этади. 

Қайд этишича, вақтинча фаолият юритадиган ҳукумат Украинани қўллаб-қувватлашда давом этади. 

Олдинроқ Нидерландия радиоэшиттириш корпорацияси манбаларга таяниб, Нидерландиянинг ҳукмрон коалициясига кирувчи томонлар бошпана изловчилар оқимини камайтириш бўйича келишувга эриша олмагани ҳақида хабар берган эди. Рютте бошчилигидаги Озодлик ва Демократия учун халқ партияси баъзи чораларни, жумладан, бошпана занжирида кескин вазият юзага келган тақдирда уруш қочқинларининг оила аъзоларининг аризаларини тўхтатиб туриш имкониятини илгари сурмоқда. Бироқ, Христиан иттифоқи партияси одамларнинг оилаларни бирлаштириш ҳуқуқларини чеклашга рози бўлолмаслигини айтди. Бу ғоя бошқа коалиция партияси – Демократлар-66 томонидан қўллаб-қувватланмади. 

Қирол Виллем-Александр таътилда. Унинг истеъфосини шахсан қабул қилиш учун Гаагага қайтиб келадими ёки бу бошқа шаклда амалга ошириладими, номаълумлигича қолмоқда. 

Нидерландияда амалдаги ҳукмрон коалиция 2022 йил бошида 299 кун давом этган музокаралардан сўнг тузилган, бу тарихдаги энг узун коалиция. Баъзи кузатувчиларга кўра, Рютте бу ҳолатда атайлаб қарама-қаршилик курсини олди.  

“Бу никоҳ ҳеч қачон бахтли бўлмаган. Вазирлар Маҳкамаси ўта узоқ давом этган музокаралардан сўнг тузилган ва аввалроқ унинг қулашига фақат Украинадаги можаро тўсқинлик қилган”, дея шарҳлайди НТК шарҳловчиси Ксандер ван дер Вулп