НАТО Осиё-Тинч океани минтақасида уруш қўзғамоқчи – Хитойнинг Россиядаги элчиси

Хитойнинг Россиядаги элчиси Чжан Ханхуэй Шимолий Атлантика альянси Европани саросимага солиб, энди Осиё-Тинч океани минтақасида тинчлик ва осойишталикни йўқ қилмоқчилигини айтди. Бу ҳақда у ТАСС агентлигига берган интервьюсида гапириб ўтди.

“НАТО БМТ Низомининг халқлар ўртасида дўстона муносабатларни ривожлантириш ва дунё тинчлигини мустаҳкамлашдан иборат мақсадларидан четга чиқди. Осиё-Тинч океани минтақасида умумий тинчлик ва барқарорликка қарамай, НАТО минтақада навигация эркинлигини таъминлаш, кескинликни кучайтириш ва лагерлар ўртасида қарама-қаршиликни келтириб чиқариш учун ҳарбий машғулотлар ва операцияларни ўтказишни талаб қилмоқда”, дейди Хитой дипломатик миссияси раҳбари.

Унинг сўзларига кўра, НАТО қилаётган ишлар инсоният ва дунё ўртасидаги дўстлик ишига асло ёрдам бермайди.

“Бу БМТ Низоми рухсат берган жамоавий ўзини ўзи ҳимоя қилиш концепциясидан ташқарига чиқади. НАТО ўзини жамоавий мудофаа бирлашмаси деб атайди, у жамоавий мудофаа ҳуқуқидан фойдаланади, лекин Осиё-Тинч океани минтақасида ҳарбий қарама-қаршиликни қўзғатмоқчи бўлган трансчегаравий кенгайишини давом эттиради. Қуролли ҳужум у ёқда турсин, минтақада НАТОга қарши куч таҳдиди йўқ. НАТОнинг жамоавий мудофаа ҳуқуқидан фойдаланиши учун қонуний асос йўқ”, дейди Чжан Ханьхуэй.

Элчининг таъкидлашича, сўнгги йилларда НАТО Осиё-Тинч океани минтақаси ишларига аралашишга уриниб, “қўлларини узоқроқ чўзган”.

“НАТО Япония, Жанубий Корея, Австралия ва Янги Зеландияни кетма-кет икки йил давомида альянс саммитида иштирок этишга таклиф қилди ва тўрт давлат билан хусусий ҳамкорлик дастури”ни имзолади”, дея давом этган у.

Шунингдек, дипломат Австралиянинг собиқ бош вазири Пол Китингнинг “НАТОнинг Осиё-Тинч океани минтақасига шарққа қараб кенгайиши вабога ўхшайди” деган мақола ёзганини эслатган.

“Ушбу ибора мамлакатларнинг умумий ташвишини ифодалайди”, деб хулоса қилган Хитой дипломатик миссияси раҳбари.