Наманганда эркак қўшни аёлни чопиб ташлади
3-саҳифа
−
07 Июль 2023
16908Наманганда эркак қўшни аёлни чопқи билан чопиб ташлади. Бу ҳақда Бош прокуратура матбуот котиби Ҳаёт Шамсутдинов QALAMPIR.UZ'га маълум қилди.
Жорий йилнинг 12 июнь куни Наманган шаҳри “Олвализор” маҳалласида яшовчи Х.А. қўшниси М.Т. билан олдиндан ўрталарида бўлиб келаётган уй-жой низоси юзасидан жанжаллашиб қолган. У хонадонидан темир “лом”ни олиб чиқиб, унга хужум қилганида шу жойда бўлган фуқаролар томонидан тўхтатиб қолинган.
Фуқаро М.Т. вилоят Ички ишлар бошқармасига қўнғироқ қилиб, Х.А.га нисбатан чора кўрилишини сўраган.
Мазкур мурожаат бўйича суриштирув ҳаракатлари олиб борилиб, Х.А.га нисбатан Маъмурий жавобгарлик тўғрисидаги кодекснинг 183-моддасига асосан маъмурий чора кўриш юзасидан ҳужжатлар расмийлаштирилиб, 3 июль куни кўриб чиқиш учун судга юборилган.
Фуқаро Х.А. ўзига нисбатан М.Т.нинг мурожаати бўйича чора кўрилаётганидан ғазабланиб, уни қасддан ўлдириш мақсадида 4 июль куни соат 16:00 ларда ўзининг эгизак акаси билан бирга 1 дона чопқи ва пичоқ билан қуролланиб, М.Т.нинг уйига келган.
Аёл уйининг ташқарисига чиққанида Х.А. уни ерга йиқитиб, ўзи билан олиб келган чопқи ёрдамида қорин ва елка соҳаларига бир неча маротаба уриб, икки қўли кафт соҳасидан чопқи билан чопиб ташлаган. Бу воқеа аёлнинг фарзандини кўз ўнгида юз берган.
М.Т. олган тан жароҳатлари оқибатида воқеа жойида вафот этган.
Мазкур ҳолат юзасидан Наманган шаҳар прокуратураси томонидан X.A.га нисбатан Жиноят кодекснинг 97-моддаси 2-қисми “ж” банди билан жиноят иши қўзғатилган. У Жиноят-процессуал кодексининг 221-моддаси тартибида ушланган.
LiveБарчаси
2023 йили 1 600 та обект қурилиши рўйхатдан ўтказилмасдан бошланган бўлса, йил бошидан 2 200 тага етган.
23 Сентябрь
Вилоят ҳокимларига йил якунигача камида 10 тадан ҳудудининг “мастер режа”сини ишлаб чиқиш топширилди.
23 Сентябрь