Нью-Йоркнинг собиқ губернатори устидан тергов бошланди

АҚШ Адлия вазирлиги Нью-Йорк штатининг собиқ губернатори, худди шу номдаги мегаполис мэри лавозимига даъвогарлик қилаётган Эндрю Куомога нисбатан жиноий тергов олиб бормоқда. Бу ҳақда “The New York Times” хабар берди. 

Қайд этилишича, Адлия вазирлиги Куомонинг ишини тахминан бир ой олдин кўриб чиқишни бошлаган, терговчилар унинг пандемия даврида Нью-Йорк губернатори сифатида қилган ҳаракатлари ҳақида Конгрессга ёлғон гапирган ёки йўқлигини текширишган. Собиқ губернаторнинг вакили Куомо тергов ҳақида хабардор қилинмаганини айтди ва буни [Трамп маъмуриятининг] Нью-Йорк мэри сайловига “аралашиш режаси" деб атади. 

Демократ Куомо мегаполис раҳбари лавозими учун, шу жумладан, ҳозирги мэр Эрик Адамс билан рақобатлашмоқда. У демократ номзод сифатида мэр этиб сайланган, аммо бу сайловда мустақил номзод сифатида қатнашмоқда. Трамп Оқ уйга қайтганидан бери Адамс очиқчасига уни қўллаб-қувватлади. Апрель ойида Нью-Йорк суди Адлия вазирлиги талабига биноан Адамсга нисбатан ўтган сентябрда очилган коррупция ишини рад этди. Агентлик ўз қарорини суд жараёни мэрга ноқонуний иммиграцияга қарши кураш бўйича Трамп маъмурияти сиёсатини амалга оширишда ёрдам беришига тўсқинлик қилиши ва Адамснинг қайта сайланиш кампаниясига таъсир қилиши мумкинлиги билан асослади. 

Нью-Йорк мэри сайлови 2025 йил ноябрь ойида бўлиб ўтади.