Нью-Йоркда фавқулодда ҳолат эълон қилинди

Олам

image

АҚШ Президенти Жо Байден Нью-Йорк штатида қор бўрони сабабли фавқулодда ҳолат эълон қилди. Бу ҳақда Оқ уй Матбуот хизмати хабар берди.

“Президент Байден Нью-Йорк штатида фавқулодда ҳолат эълон қилди ҳамда штатга федерал ёрдам кўрсатишни буюрди”, дейилади Оқ уй баёнотида.

Қайд этилишича, Байден Фавқулодда вазиятларни бошқариш бўйича Федерал агентлик ва Миллий хавфсизлик департаментига қор бўронидан жабр кўрган штатга ёрдам кўрсатиш бўйича саъй-ҳаракатларни мувофиқлаштириш ваколатини берган.

Сўнгги маълумотларга кўра, Қўшма Штатларда бўрон билан боғлиқ ҳодисаларда камида 50 киши ҳалок бўлган.

Ўлим ҳолатлари 12 штатда қайд этилган: Колорадо, Иллинойс, Канзас, Кентукки, Мичиган, Миссури, Небраска, Нью-Йорк, Огаё, Оклахома, Теннесси ва Висконсин. Шу билан бирга, ўлимларнинг ярми Нью-Йорк штатининг ғарбий қисмида кузатилган.

Эслатиб ўтамиз, АҚШда қор бўрони жорий йилнинг 25 декабрь куни содир бўлган эди.

Кейинроқ қор бўрони туфайли қурбон бўлганлар сони 46 нафарга етгани ҳақида хабар қилинган эди.

Соҳиба Комиловна


Мақола муаллифи

avatar

.

Теглар

Баҳолаганлар

157

Рейтинг

3

Мақолага баҳо беринг

Дўстларингиз билан улашинг