МЮ яна Роналдусиз қолиши мумкин

“Манчестер Юнайтед” ҳужумчиси Криштиану Роналду “қизил иблислар” сафига қайтганидан мамнун эмас. 37 ёшли португалиялик футболчи ўз агенти Жорже Мендеш билан клубини ўзгартириш борасида музокара олиб боради, деб хабар беради “Daily Star” нашри.

Манбанинг ёзишича, Роналдунинг қарор қабул қилишида “Манчестер Юнайтед” раҳбарияти танлаган янги бош мураббийнинг номзоди муҳим рол ўйнайди.

Роналду мавсум охирида фаолиятини давом эттириш учун бир нечта вариантга эга бўлиш мақсадида яқин вақт ичида агенти билан музокаралар олиб бориш ниятида.  Криштиану “Манчестер Юнайтед”нинг вақтинчалик устози Ральф Рангникнинг услубига мослашишга уринди, аммо психологик жиҳат португалияликнинг ўйин шаклига сезиларли даражада таъсир қилди.

Эслатиб ўтамиз, яқинда Криштиану ўзининг антирекордини такрорлаган эди. Ҳужумчи кетма-кет беш ўйиндан бери гол ура олмаяпти, бу унинг 2010 йилдан бери энг узоқ голсиз cерийаси ҳисобланади.

Шахбоз Қаҳҳоров