МЮ собиқ футболчиси: “Роналду жамоага фақат футболкалар сотиш учун керак”

Sport

−

24 February 2022 visibility3678 timer1 minute

"Манчестер Юнайтед"нинг собиқ футболчиси Пол Паркер Криштиану Роналдуни танқид қилди. Унинг сўзларига кўра, португалиялик ҳужумчи "Манчестер Юнайтед"га асосан PR учун керак.

"Менимча, клубга Роналду керак, чунки у футболкаларни сотилишига ёрдам беради. Клуб эса шу туфайли кўп эътирофга сазовор бўлади. Ишончим комилки, агар у тўпни ўзида яхши сақлаб турадиган "Ман Сити" каби клубда ўйнаганида, биз Роналдуни кўпроқ ҳаракатда кўрар эдик. Айни пайтда у яккаланиб қолган ва камдан-кам ҳолларда тўпга тегади. "Манчестер Юнайтед"да ҳозир ўйин модели йўқ", дейди Паркер.

Маълумот учун, 37 ёшли португалиялик юлдуз жорий мавсумда "Манчестер Юнайтед" билан АПЛнинг 22 та ўйинида майдонга тушиб, 9 та гол ва 3 та голли узатмани амалга оширди. Шунингдек Роналдунинг ҳисобида Европа Чемпионлар лигасининг 6 та ўйинида 6 та гол ҳам мавжуд.

Шахбоз Қаҳҳоров

Author