Мутахассислар Windows XP’дан фойдаланишдан огоҳлантирмоқда
Технология
−
30 Май 2023 5967
Номаълум шахслар Windows XP учун калит танлаш алгоритмини бузиб кирди. Мутахассислар фойдаланувчиларни XP’ни ишлатишдан огоҳлантирмоқда. Чунки 20 йилдан кўпроқ вақт олдин чиқарилган тизим замонавий хавфсизлик талабларига жавоб бермайди. Бу ҳақда “The Register” хабар берди.
Tinyapps блогида эскирган Windows дастурини фаоллаштириш учун калитларни яратиш имконини берувчи дастур аниқланган. Ёрдамчи дастур яратувчиларнинг фикрига кўра, хизматдан фойдаланиб, Microsoft серверларига уланмасдан офлайн режимда жорий фаоллаштириш калитларини яратиш мумкин.
Мутахассисларнинг фикрича, хакерлар Windows XP’ни фаоллаштириш алгоритмини бузган ва калитларни қандай яратишни 2019 йилда ўрганган, бироқ бу восита Microsoft серверлари билан алоқа қилишни талаб қилган. Янги дастур операцион тизимни бутунлай офлайн режимда фаоллаштириш имконини беради.
Нашр журналистларининг таъкидлашича, 2001 йилда чиқарилган Windows’ни бузиш воситаси кимга керак бўлиши мумкинлиги номаълум. Муаллифлар эскирган операцион тизим Microsoft’нинг жорий версияларини қўллаб-қувватламайдиган иловаларни ишга тушириш учун фойдали бўлиши мумкинлигини тахмин қилмоқда. Хулоса қилиб айтганда, мутахассислар истеъмолчиларни XP’дан фойдаланишдан огоҳлантирган, чунки 20 йилдан кўпроқ вақт олдин чиқарилган тизим замонавий хавфсизлик талабларига жавоб бермайди.
Хусусан, жорий йилнинг апрель ойи бошида YouTube блогери Enderman ChatGPT ёрдамида Windows 95 учун лицензия калитини олишга муваффақ бўлганини айтган. Муаллиф тизимнинг қонуний чекловларини четлаб ўтишга муваффақ бўлган.
Live
Барчаси