Мушакбозлик сабаб Тошкентда айрим йўллар ёпилади
Жамият
−
01 Сентябрь 2019 5471
Бугун, 1 сентябрь куни соат 21:00 да Тошкентда Ўзбекистон тарихида энг баланд ва энг чиройли мушакбозлик намойиши ўтказилиши ҳақида хабар берган эдик. Шу муносабат билан бугун Тошкентдаги айрим кўчаларда автомобиль ҳаракатланиши чекланади. Бу ҳақда Тошкент шаҳар ИИББ хабар бермоқда.
Соат 19:30 дан 21:00 га қадар Бунёдор кўчасининг параллел қисми, А.Хўжаев кўчасининг Камолон кўчасигача кесишган жойи ва Сеул кўчасидан Халқлар дўстлиги майдонигача бўлган йўллар вақтинча ёпилади.
Катта йўллар ёпилмайди. Ҳайдовчилар автомобилларини “Next” СКМ ёки “Humo Arena” спорт мажмуаси атрофидаги тўхташ жойларида қолдиришлари мумкин.
Маълумот ўрнида, мушакбозликнинг баландлиги 350 метр бўлиши кутилмоқда. Намойишда 9 дақиқа давомида 2 723 та ранг-баранг ёғду порлайди. Мушакбозлик “Халқлар дўстлиги” санъат саройининг орқа томонида амалга оширилади.
Мушакбозлик намойишини хитойлик компания China Liuyang Jeeton Fireworks Group тайёрлаяпти.
Live
Барчаси