Муродов жанг қиладиган UFC турнирининг тўлиқ карди маълум қилинди

Ўзбекистонлик UFC жанчиси Маҳмуд Муродов 22 июль куни Буюк Британия пойтахти Лондонда жойлашган “O2 Arena”да навбатдаги UFC Fight Night турнирида октагонга кўтарилади. Ташкилот расмий сайтида мазкур турнирнинг тўлиқ карди маълум қилинди.

Ўрта вазнда ўз жангларини олиб бораётган ўзбекистонлик спортчига ўша куни америкалик Браян Барберена рақиблик қилади. Жанг асосий кардда бўлиб ўтиши белгиланган.

Турнирнинг асосий карди:

Оғир вазнда: Том Аспиналл (Буюк Британия) – Марчин Тибура (Польша)

Аёллар ўртасида ўта енгил вазнда: Молли Маккэн (Буюк Британия) – Юлия Столяренко (Литва)

Ўрта вазнда: Пол Крейг (Шотландия) – Андре Муньес (Бразилия)

Ярименгил вазнда: Натаниэль Вуд (Буюк Британия) – Андре Фили (АҚШ)

Аёллар ўртасида энг енгил вазнда: Кетлин Виейра (Бразилия) – Пинни Кианзад (Швеция)

Ўрта вазнда: Маҳмуд Муродов (Ўзбекистон) – Брайан Барберена (АҚШ)

Маълумот учун, Муродов фаолияти давомида 33 та жангда иштирок этиб, уларнинг 25 тасида ғалаба қозонган. Шунингдек, у UFC'да 5 та жанг ўтказиб, 3 тасида ғалабага эришган. 

Америкалик рақиби Браян Барберена эса MMA'даги юришлари давомида 28 та жангда иштирок этиб, 18 маротаба рақибларидан устун келган. Мағлубиятлари сони эса 10 тани ташкил этади. У UFCда 17 та жанг ўтказиб, 8 тасида мағлубиятга учраган.

Муҳсинжон Умурзоқов