Москва НАТОнинг Россияни душман деб эълон қилиш қарорига муносабат билдирди

Олам 15938
image
-

НАТОнинг Россияни душман деб эълон қилиш қарори Европада кескинликнинг кучайишига ва хавфсизликнинг беқарорлашишига олиб келади ва Россия-НАТО таъсис тўғрисидаги қонунга зид келади. Бу ҳақда Россия Хавфсизлик кенгаши котиби Николай Патрушев айтиб ўтди.

“Ўз миллий манфаатлари ва суверенитетини ҳимоя қилаётган Россия АҚШ ва унинг иттифоқчилари томонидан душман деб эълон қилинди, бу доктринал ҳужжатларда, жумладан Мадриддаги НАТО саммитида қабул қилинган ҳужжатларда ҳам ўз аксини топган”, дейди Патрушев миллий масалалар бўйича йиғилишда.  

Унинг эслатишича, Қўшма Штатлар ва унинг сунъий йўлдошлари стратегик барқарорлик соҳасида Россия билан конструктив мулоқотдан бош тортган ва Москванинг хавфсизлик кафолатлари бўйича талабларини бутунлай эътиборсиз қолдирган. 

"НАТОнинг ҳарбий инфратузилмаси чегараларимизга яқинлашмоқда, шарқий қанотда ҳарбий кучлар ва активлар фаол равишда қурилмоқда. Финляндия ва Швеция альянсга қўшилиши тўғрисида қарорлар қабул қилинди. AUKUS янги ҳарбий блоки яратилди. Ушбу қарорлар ва ҳаракатлар нафақат кескинликнинг кучайишига ва Европа хавфсизлигининг беқарорлашувига олиб келади, балки Россия-НАТО таъсис тўғрисидаги қонунга ҳам аниқ зид келади, айтмоқчи, у де-юре фаолиятини давом эттирмоқда”, дейди Патрушев. 

Унинг таъкидлашича, Қўшма Штатлар ўзининг ҳукмронлиги ва ўтган асрнинг охирида қўлга киритган ҳарбий-сиёсий ва иқтисодий устунлигини сақлаб қолиш манфаатларидан келиб чиқиб, Россиянинг заифлашиши ва бостирилишига таянди.  

Патрушевга кўра, АҚШ раҳбариятининг глобал хавфсизлик архитектураси ва халқаро ҳуқуқий тизимнинг емирилиши, энергия бозорларини қайта тақсимлаш йўлидаги йўналиши аллақачон жаҳонда ҳарбий-сиёсий кескинликнинг кучайишига, жаҳон иқтисодиётидаги инқирозли ҳодисаларга, ўрнатилган савдо-иқтисодий алоқалар ва логистика занжирлари бузилиши, озиқ-овқат инқирози таҳдидини яратиш, инфляциянинг, шу жумладан АҚШнинг ўзида ҳам сезиларли ўсишига олиб келди.

"Эътиборингизни қаратмоқчиманки, америкалик ёши катталарнинг атиги 14 фоизи Америка раҳбариятининг йўналиши тўғри, 85 фоизи эса мамлакат нотўғри йўлдан кетаётганига ишонади. Сўров натижалари шундан далолат беради. “Associated Press” ахборот агентлиги ва Чикаго университети қошидаги Жамоатчилик тадқиқотлари институти томонидан олиб борилган”, дея қўшимча қилди Патрушев.

Эслатиб ўтамиз, жорий йилнинг 29 июнь куни Мадридда НАТО давлатларининг навбатдаги саммити бўлиб ўтди. Унда альянснинг 2030 йилгача бўлган концепцияси қабул қилинди. Ҳужжатда Россия НАТО хавфсизлигига "энг асосий ва тўғридан-тўғри" таҳдид деб айтилди. Бундан ташқари, блок Хитойга қарши туриш, Осиё-Тинч океани минтақаси ва постсовет ҳудудида ҳамкорликни кенгайтириш, шунингдек, ўзининг мудофаа қобилиятини мустаҳкамлаш ниятида экани айтилди. 

Qalampir.uz Tahririyati
Мақолага баҳо беринг
Баҳолаганлар: 212
Рейтинг: 3
Теглар
t
×