Москва Баку ва Ереванни муросага чақирди

Москва Баку ва Еревандаги ҳамкорларни икки томонлама муносабатларни имкон қадар тезроқ нормаллаштириш бўйича қўшма ишларни қайта бошлашга чақиради. Бу ҳақда кеча, 22 февраль куни бўлиб ўтган брифингда Россия ТИВ расмий вакили Мария Захарова маълум қилди. 

“Биз Баку ва Еревандаги ҳамкорларимизни икки томонлама муносабатларни нормаллаштиришнинг ҳар бир йўналиши бўйича имкон қадар тезроқ қўшма ритмик ишларни қайта бошлашга чақирамиз”, дейди у. 

У Москва минтақадаги иқтисодий ва транспорт алоқаларини бартараф этиш бўйича Бош вазир ўринбосарлари раислигидаги уч томонлама ишчи гуруҳи ҳамда Арманистон-Озарбайжон чегараси бўйича комиссиянинг навбатдаги йиғилишларини, шунингдек, ташқи ишлар идоралари раҳбарлари даражасида тинчлик шартномасини тайёрлаш бўйича музокараларнинг янги босқичларини ташкил этишда барча зарур ёрдамни кўрсатишини билдирди.  

Захарова иддао қилишича, Россия томони Арманистон-Озарбайжон муносабатларини нормаллаштиришга изчил ҳисса қўшмоқда. 

“Россия Мудофаа вазирлиги ва Россия тинчликпарвар контингенти Ташқи ишлар вазирлиги билан яқин ҳамкорликда Лочин йўлаги атрофидаги вазиятни тартибга солиш бўйича фаол саъй-ҳаракатларни амалга оширмоқда. Ўтган йилнинг 12 декабридан бери хайрия ташкилотлари билан ҳамкорликда 2,5 тоннадан ортиқ инсонпарварлик юклари ҳудудга етказилди, 88 та аҳоли пунктида 7 та гуманитар акция ўтказилди, 8000 дан ортиқ бола ва 800 та кам таъминланган оилаларга ёрдам кўрсатилди”, дейди у. 

Бундан ташқари, унинг қайд этишича, Москва Баку ва Ереван билан мулоқотда Россия, Озарбайжон ва Арманистон раҳбарларининг 2020 йил 9 ноябрдаги баёнотларига мувофиқ Лочин йўлагининг тўлиқ ишлашини тиклаш ва Тоғли Қорабоғдаги гуманитар вазиятни яхшилашга ёрдам берадиган ўзаро мақбул ечимларни излашда давом этмоқда. 

“Минтақада вазият қанчалик кескин бўлмасин, биз ушбу баҳона билан музокаралар жараёнларини тўхтатиб қўйишни тескари натижага олиб келади, деб ҳисоблаймиз. Биз фуқаролик жамияти, эксперт доиралари, диний арбоблар ўртасида алоқаларни йўлга қўйиш, парламент аъзолари ўртасида мулоқотни йўлга қўйиш учун қўлимиздан келган барча ишни давом эттирамиз”, дейди у.  

2022 йил 12 декабрда ўзини экологлар деб таништирган бир гуруҳ озарбайжонликлар Россия тинчликпарвар контингенти вақтинча жойлашган Лочин йўлагини (Арманистон ва тан олинмаган Тоғли Қорабоғни боғловчи ягона йўл у орқали ўтади) тўсиб қўйган. Баку норозилик акциясидан мақсад ҳеч қандай йўлни тўсиб қўйиш эмаслигини, фуқаролик воситалари ҳар икки йўналишда ҳам эркин ҳаракатлана олишини билдирди. 

Ереван буни Баку томонидан тан олинмаган республикада гуманитар фалокат яратишга қаратилган провокация сифатида баҳолади. Республика Бош вазири Никол Пашинян ҳукумат йиғилишида маълум қилганидек, Тоғли Қорабоғда қамал туфайли озиқ-овқат тақчиллиги бошланган. 14 декабрь куни Арманистон Инсон ҳуқуқлари бўйича Европа судига Озарбайжонни Лочин йўлагини тўсиб қўйишга мажбурлаш талаби билан мурожаат қилди.