Молдовада дон ортилган поезд рельсдан чиқиб кетди

Молдовада дон ортилган олти вагон Украина портига кетаётган вақтда рельсдан чиқиб кетди. Бу ҳақда “Reuters” хабар берди. 

Қайд этилишича, вагонлар жазирама туфайли Украинанинг Дунай дарёсидаги Рени портига кетаётган пайтида рельсдан чиқиб кетган. Молдова темир йўли маълумотларига кўра, авариянинг дастлабки сабаби ҳаво ҳароратининг ҳаддан ташқари юқорилиги бўлиб, рельслар ўз тортиш кучини йўқотган.

“Кулма-Чедор-Лунга” йўналишида 61 та вагондан иборат бўлган поезднинг ғаллага тўла олтита вагони рельсдан чиқиб кетган. Бундан олдин ҳам жорий йилнинг март ойида Киев вилоятининг Бориспол шаҳрида юк поезди рельсдан чиқиб кетган эди.

Шунингдек, хабарда Руминия ва Туркияга анъанавий дон ва ёғли ўсимликлар экспорт қилаётган Молдова фермерлари жорий йилда 1,2 миллион тонна буғдой ҳосилининг 800 минг тоннасини экспорт қилишга тайёр эканлиги айтилган.

Эслатиб ўтамиз, жорий йилнинг 6 август куни Покистоннинг Синд вилоятидаги Навабшоҳ шаҳрида, поезд вагонининг рельсдан чиқиб кетиши оқибатида камида 30 киши ҳалок бўлиб, 50 киши жароҳатланган эди.