МЛСнинг расмий саҳифаси Бускетс билан Арбелоани адаштириб юборди
Спорт
−
18 Июль 2023 2165
Испаниялик футболчи Серхио Бускетс АҚШнинг “Интер Майами” клубига ўтганидан сўнг, МЛСнинг расмий каналида Бускетс сурати ўрнига бошқа бир испаниялик футболчи Альваро Арбелоанинг сурати эълон қилинди.
Бу билан маҳаллий мутахассисларнинг Европа футболидан анча узоқдалиги билиниб қолди. Хато кетган постерни кўрган ижтимоий тармоқ фойдаланувчилари саҳифани кинояларга тўлдирганидан кейингина администратор хатосини тушуниб, постерни тўғирлади.
Баъзи футбол журналистлари айрим фотосуратларда Бускетс ва Арбелоа ҳақиқатан ҳам бир-бирига ўхшашини айтмоқда. Арбелоа ва Бускетс анча вақт Испания терма жамоасида тўп сурган ва улар ўзининг гуллаган даврида “қизил фурия” билан йирик турнирларда қаторасига уч марта ғалаба қозонган.
Эслатиб ўтамиз, футболчи июнь ойи охирларида “Интер Майами” клуби билан шартнома имзолаган эди. Бускетс шу ёзда “Барселона”ни тарк этди. У “Интер Майами”га эркин агент сифатида қўшилди. Бускетс худди Месси каби франчайзинг футболчиси мақомига эга. Испаниялик футболчи МЛСда камида икки йил ўйнашни режалаштирмоқда.
Live
БарчасиБухорода Ғиждувон деҳқон бозори ёнмоқда.
14 Декабрь