Мисрнинг Исроил билан чегарасидаги шаҳарга ракета тушди

Мисрнинг Исроил билан чегарадош ҳудудда жойлашган Таба шаҳридаги тез ёрдам биносига ракета келиб тушди. Бу ҳақда “Sky News Arabia” хабар берди.

Айтилишича, тез ёрдам биносига ракета тушиши оқибатида олти киши жароҳатланган. Тиббиёт муассасаси маъмурияти ходимлари учун мўлжалланган турар-жой биноси ҳам ракета ҳужумига учраган.

Воқеа жойига етиб келган хавфсизлик кучлари ракета қаердан келганини аниқлаш учун дастлабки терговни бошлаган.

Маълумот учун, жорий йилнинг 22 октябрь куни Исроил танки Керем Шалом аҳоли яшаш пункти яқинидаги чегарага яқин бўлган Миср постини ҳам ўққа тутган. Ўшанда Исроил мудофаа кучлари ўқ тасодифий бўлганини маълум қилиб, воқеа юзасидан Миср томонига афсус билдирган ва тергов бошланганини эълон қилган. Миср расмийлари ҳам воқеани бахтсиз ҳодиса деб атаган. Ўшанда Исроил танки снарядининг бўлаклари қўриқлаш минораларидан бирига келиб тушган, бир қанча чегарачилар енгил жароҳат олган.