Мирзиёевнинг жорий ҳафтадаги иш жадвали эълон қилинди

Жамият 8139
image
-

Бугун, 31 октябрь кунининг иккинчи ярмида Ўзбекистон Президенти ҳудуд ва тармоқларда энергия тежамкорлигини таъминлаш чора-тадбирлари юзасидан соҳа мутасадди раҳбарларининг тақдимоти билан танишади. Бу ҳақда Президент Матбуот котиби Шерзод Асадов маълум қилди.

Шунингдек, мазкур ҳафта давомида:

•    иқтисодиёт тармоқларига берилаётган имтиёзлар самарадорлигини ўрганиш натижалари юзасидан муҳокама;

•    маҳаллий саноатни янада ривожлантириш борасида мавжуд имкониятлар ва янги захираларни сафарбар этиш юзасидан кенгайтирилган мажлис;

•    одил судловни таъминлаш ҳамда суд ислоҳотларини янада такомиллаштириш борасидаги устувор вазифалар юзасидан тақдимотлар ўтказиш кўзда тутилган.

Алоҳида қайд этилишича, бошланган ҳафта ташқи сиёсий масалаларда ҳам қатор тадбирлар бор.

1 ноябрь куни Президент Германия Ташқи ишлар вазири Анналена Бербок бошчилигидаги делегацияни қабул қилади. Учрашувда икки томонлама муносабатлар истиқболи, савдо-иқтисодий йўналишлардаги ҳамкорлик муҳокама қилинади ва минтақавий масалалар юзасидан фикр алмашилади.

3 ноябрь куни эса, давлат раҳбарининг БАА ҳукумат ишлари бўйича вазири Муҳаммад бин Абдуллоҳ ал-Гаргавий билан учрашувлари режалаштирилган.

Суннатилла Абдуллаев
Мақолага баҳо беринг
Баҳолаганлар: 311
Рейтинг: 3.1
t
×