Мирзиёев 300 минг аҳолини камбағалликдан чиқариш кераклигини айтди

Жамият 2588
image

Ҳар қанча қийин бўлмасин, 300 минг аҳолини камбағалликдан чиқариш лозим. Бу ҳақда Ўзбекистон Республикаси Президенти Шавкат Мирзиёев бугун, 10 февраль куни “Ёшларни қўллаб-қувватлаш ва аҳоли саломатлигини мустаҳкамлаш йили” Давлат дастури ижросини самарали ташкил этиш масалалари юзасидан ўтказилган видеоселектор йиғилишида айтиб ўтди.

“Бу дастурни ҳануз давом этаётган пандемия шароитида, глобал инқироз кучайиб бораётган мураккаб бир вазиятда амалга оширишимизга тўғри келади. Ҳар қанча қийин бўлмасин, 500 минг нафар ёш ва 200 минг аёлни иш билан таъминлаш ҳамда 300 минг аҳолини камбағалликдан чиқариш лозим. Агар “маҳаллабай” тизимни жойига қўйиб, давлат идоралари дастурдаги вазифаларни қунт билан, илм билан, ақл билан бажарса, кескин ўзгариш бўлади”, дейди Шавкат Мирзиёев. 

Шу билан бирга, йиғилишда ривожланишдан ортда қолаётган 33 та туман ва оғир аҳволдаги 970 та маҳалланинг йўли, ичимлик суви ва электр таъминоти, ирригация тармоғини яхшилаш, тиббиёт ва таълим тизимидаги ислоҳотларни энг узоқ қишлоқларгача етказиш зарурлиги қайд этилган.

Умиджон Нозимжонов
Мақолага баҳо беринг
Баҳолаганлар: 72
Рейтинг: 3
t
×