Мирзаматовнинг ўрнига бошқа бир ўзбек жангчиси чемпионлик учун курашади
Спорт
−
06 Февраль 2508 1 дақиқа
Автоҳалокатга учрагани сабаб чемпионлик жангида қатнаша олмайдиган Шоҳасан Мирзаматов ўрнига бошқа бир ўзбекистонлик жангчи Георгий Кичигинга қарши октагонга чиқади. Бу ҳақда “Octagon” лига матбуот хизмати хабар берди.
Манбага кўра, эндиликда ярим ўрта вазн тоифаси чемпионлиги учун қозоғистонлик Георгий Кичигин ва ўзбекистонлик Саидотахон Нуриддинов октагонга кўтарилади. Жанг 23 февраль куни бўлиб ўтади.
Маълумот ўрнида, Нуриддинов сўнгги 5 та жангини ғалаба билан якунлаб келмоқда. У охирги жангини 2024 йилнинг 24 ноябрь куни Моҳир Алиевга қарши ўтказган ва нокаут эвазига ғалаба қозонган. Кичигин эса охирги жангида Ҳамзат Чапановни бўғиш услуби орқали мағлуб этганди.
Эслатиб ўтамиз, аввалроқ, Мирзаматов автоҳалокатга учрагани ва чемпионлик жангида қатнашмаслиги ҳақида хабар берилган эди.
Live
Барчаси
