Месси Жаҳон чемпионатининг энг яхши тўпурари бўлди

Аргентина терма жамоаси ҳужумчиси Лионель Месси Жаҳон чемпионати гуруҳ босқичининг 2-турида Австрияга қарши учрашувда гол уриб, турнир тарихидаги энг яхши тўпурарга айланди.

Аргентиналик футболчи ўйиннинг 38-дақиқасида ҳисобни очди. Бу гол Мессининг Жаҳон чемпионатларидаги 17-голи бўлди. Шу тариқа у Германия терма жамоасининг собиқ ҳужумчиси Мирослав Клозени (16 гол) ортда қолдириб, мундиаллар тарихидаги энг яхши тўпурар мақомини қўлга киритди.

Қизиғи, учрашувнинг 9-дақиқасида Месси пенальтидан фойдалана олмаган эди. Шунга қарамай, Месси ўйиннинг якуний дақиқаларида гол уриб жорий турнирдаги 5 голини киритди. Шу тариқа, у турнирдаги голлари сонини 5 тага етказиб, 2026 йилги Жаҳон чемпионатининг энг яхши тўпурарлари рўйхатида якка пешқадам бўлиб турибди.

Эслатиб ўтамиз, Месси биринчи турда Жазоирга қарши баҳсда (3:0) хет-трик қайд этган эди. Австрияга қарши учрашувдаги ғалаба Аргентина терма жамоасини муддатдан аввал плей-офф босқичига йўлланма олди.

Маълумот учун, Месси Аргентина терма жамоаси билан 2022 йилги Жаҳон чемпионати ғолиби, 2014 йилги мундиал финалчиси, 2008 йилги Олимпия чемпиони ҳамда икки карра Америка кубоги соҳиби (2021, 2024) бўлган.

Бундан ташқари, Месси 8 марта қўлга киритган “Олтин тўп” мукофоти бўйича ҳам рекорд соҳиби ҳисобланади.