Месси “Барселона” футболчисини ПСЖда кўрмоқчи
Спорт
−
09 Ноябрь 2021 6541
Каталониянинг “Барселона” клуби футболчиси Хорди Альба жамоани тарк этиши мумкин. Бу ҳақда “My Seldon” портали хабар бермоқда.
Манбада айтилишича, Каталония клуби молиявий муаммолар сабаб футболчининг маошини қисқартирмоқчи. Бу эса Альбага унчалик маъқул келмаяпти.
Ҳимоячи жорий мавсумда маошини қисқартиришга рози бўлди, бироқ уни мунтазам равишда амалга ошишига қарши. ПСЖ клуби мазкур вазиятни жиддий тарзда кузатиб бормоқда. Сабаби, парижликларнинг янги аъзоси Лионель Месси “кўк-анорранглилар” сафидаги собиқ шеригини Францияда кўришни истамоқда.
Альбанинг каталонияликлар билан тузилган шартномаси 2024 йилнинг ёзига қадар амал қилади. Transfermarkt портали футболчининг нархини 15 миллион еврога баҳоламоқда.
Маълумот ўрнида, Хорди жорий мавсум Испания Ла лигасида 8 учрашувда майдонга тушиб, 4 та голли узатмани амалга оширган.
Жамшидбек Маҳмудов
Live
БарчасиБухорода Ғиждувон деҳқон бозори ёнмоқда.
14 Декабрь