МДҲ мамлакатлари тарбиявий ишлар органларининг йиғилиши Ўзбекистонда ўтказилади

Олам 1175
image

Мустақил Давлатлар Ҳамдўстлигига аъзо мамлакатлар мудофаа идораларининг шахсий таркиб билан ишлаш (тарбиявий ишлар) бошқарув органлари қўмитасининг навбатдаги йиғилиши Ўзбекистонда бўлиб ўтади. йиғилиши бўлиб ўтди. Бу ҳақда қўмитанинг жорий йил 18 апрель куни Москва шаҳрида бўлиб ўтган йиғилишида маълум қилинган. Унда Ўзбекистон номидан Мудофаа вазирининг тарбиявий ва мафкуравий ишлар бўйича ўринбосари генерал-майор Азизбек Икромов қатнашган.

Қўмита йиғилишида Озарбайжон, Арманисон, Беларусь, Қозоғистон, Қирғизистон, Тожикистон, Ўзбекистон ҳамда Туркманистон республикаларидан келган ҳарбий делегациялар, шунингдек, МДҲга аъзо давлатлар Мудофаа вазирлари Кенгаши котибиятининг раҳбарияти иштирок этди.

Қўмита йиғилишида МДҲ мамлакатлари вакиллари 1941—1945 йилларда бўлиб ўтган Иккинчи жаҳон урушида эришилган ғалабанинг 75 йиллигини келаси йилда нишонлаш, хусусан, МДҲ мамлакатларида ҳарбий музейларда кўргазмаларни ташкил этиш масалаларини кўриб чиқдилар. Ўзбекистон бу таклифларни маъқуллади.

Шунингдек, йиғилиш иштирокчилари Ҳамдўстлик мамлакатлари доирасида ўтказиладиган халқаро мусобақаларни ташкиллаштиришни ҳам муҳокама қилди.

Бундан ташқари, меҳмон ҳарбий делегацияларнинг Россия Федерацияси Мудофаа вазирлиги Ҳарбий университетига ташрифи ташкиллаштирилиб, тарбиявий ва ўқув жараёнлари билан танишишлари учун барча шароитлар яратиб берилди. 
 

Qalampir.uz Tahririyati
Мақолага баҳо беринг
Баҳолаганлар: 5
Рейтинг: 2.7
Будьте в курсе событий!
×
×