Мбаппенинг “Реал”да қанча бонус олиши аниқ бўлди
Спорт
−
13 Май 3540
ПСЖ ҳужумчиси Килиан Мбаппе “Реал” билан шартнома имзолаганидан сўнг 100 миллион евродан кўпроқ бонус олади. Бу ҳақда инсайдер Фабрицио Романо ўз Х саҳифасида маълум қилди.
Манбага кўра, Мбаппега 100 миллион евро беш йил давомида тўланади.
Килиан жорий мавсум якунида ПСЖни тарк этади. Мбаппе фаолиятини қаерда давом эттириши ҳақида ҳозирча расмий баёнот йўқ, бироқ ОАВда у “Реал” билан 2029 йилгача мўлжалланган шартнома имзолаши ҳақида хабарлар тарқалмоқда. Ўз навбатида, “қаймоқранглилар” президенти Флорентино Перес Карло Анчелоттининг мураббийлар штабига Мбаппе “Реал Мадрид”нинг янги футболчисига айланишини маълум қилди.
25 ёшли ҳужумчи 2018 йилнинг ёзида “Монако”дан ПСЖга ўтган эди. Бу даврда у барча турнирларда 306 та учрашувда иштирок этиб, 255 та гол урди ва 108 та голли узатмани амалга оширди.
