Мбаппе “Реал”дан кетиши мумкин
Спорт
−
29 Октябрь 24298
25 ёшли франциялик ҳужумчи Килиан Мбаппе тез орада “Реал”ни тарк этиши мумкин. Бу ҳақда “Defensacentral” хабар берди.
Манбага кўра, Мбаппе ПСЖдан кўчиб ўтганидан кейин ўзини клубда бахтли ҳис қилмаяпти ва у ҳали унга қўйилган умидларни оқламаётганини тушунмоқда. Англия гранди “Ливерпуль” бундан унумли фойдаланишга тайёр. “Қизиллар” трансфер таклифини тайёрламоқда ва юлдуз учун “Реал”га 150 миллион евро таклиф қилиши мумкин.
Ла Лиганинг жорий мавсумида Мбаппе “Реал” сафида 10 та ўйинда майдонга тушиб, 6 та гол урди.
Қайд этилишича, “Ливерпуль”нинг сўнгги йиллардаги етакчиси ва асосий юлдузи Муҳаммад Салоҳ ёзда жамоани тарк этиши мумкин. Шунинг учун ҳам “мерсисайдликлар” Мбаппе трансферига куч бермоқчи.
Мбаппе шу ёзда “Реал Мадрид” жамоасига келиб қўшилди ва эркин агент сифатида шартнома имзолади.
